Here is an excerpt of the short story by Kofi Anane Kyeremeh (Ghana) translated into SePedi by Moses Seletisha
ruri sa go makatša ke gore monna yo o tloga a bone ka maahlo a nama gore e tla tshwelatshela yona ya matlorotloro bošegong bja lehono, fela mogale a bona gore bokaone ke gore a iphe lešoka go ya go rema dikeketane, ka ge go be go tonya. mosadi wa gagwe yo mobotsana yoe ka seo sebaka a bego a ithwele, go be gole molaleng gore neng kapa neng a ka sahlelwa ke sesadi, yena o ile go gwelela ka ntšu la gauta a leka go mo kgala - eupša tšeo di ile tša fetošwa ditšiebadimo ke monna wagagwe. Phokgo e ile ya tloga e huna lehuto ya se rate lego tseba gore magadima a gadima goba tšona diphefo di tšutla bokgole bjo bokae, yena o be a gopola gore o dira toka go mosadi wagagwe gore bobedi ba tle ba kgone go gotša mollo gore ba tle ba kgone go ruthela ka ge phišo e be e se gona. Aowa ka go hlokega ga tsebe le tsebo phokgo e ile ya tšea lepaka leo a feditšego metsotso e se mekae a lotša a re go lephatega wa hwetša le benyabenya e ke legadima la mamašianoke. Goya go ile o ile a fegolla le lerumo la gagwe la morodi (sethunya) o ile a sefega legetleng goba wona mphapong wa tsogong la nngele... ya ba gona sebata se gopotše tsela... lešoka mphe batho!
No comments:
Post a Comment